കോവിഡ്-19 കാരണം ഈ വർഷത്തെ വാഫി, വഫിയ്യ പ്രവേശനം സ്കൂൾ പത്താം ക്ലാസിലെ മാർക്ക്, മദ്രസ പൊതു പരീക്ഷയിലെ മാർക്ക്, മറ്റ് പാഠ്യ പാഠ്യേതര പ്രവർത്തനങ്ങൾ എന്നിവയിൽ വിദ്യാർത്ഥി കൈവരിച്ച നേട്ടങ്ങൾ അടിസ്ഥാനമാക്കി നിശ്ചിത മാനദണ്ഡപ്രകാരമായിരുക്കും നടക്കുക. മുൻ വർഷങ്ങളിലെപ്പോലെ എഴുത്ത് പരീക്ഷ ഇത്തവണ ഉണ്ടായിരിക്കുന്നതല്ല. സ്കൂൾ പത്താം ക്ലാസ് പരീക്ഷയിലെ പ്രകടനത്തിന് പരമാവധി 80 മാർക്കും മദ്രസ പൊതു പരീക്ഷയിലെ പ്രകടനത്തിന് 10 മാർക്കും തെരഞ്ഞെടുക്കപ്പെട്ട പാഠ്യ പാഠ്യേതര പ്രവർത്തനങ്ങളിലെ പ്രകടനങ്ങൾക്ക് 10 മാർക്കും അടിസ്ഥാനമാക്കി ആകെ 100 മാർക്കിലാണ് ഇത്തവണ റാങ്ക് ലിസ്റ്റ് തയ്യാറാക്കുന്നത്. വിദ്യാർത്ഥികൾ www.wafyonline.com എന്ന സൈറ്റ് മുഖേന സ്കൂൾ, മദ്രസ, മറ്റ് പാഠ്യ പാഠ്യേതര രംഗങ്ങളിൽ കൈവരിച്ച നേട്ടങ്ങൾ നിശ്ചിത ഫോർമാറ്റിൽ അപ് ലോഡ് ചെയ്യേണ്ടതാണ്. മദ്രസ 5, 7, 10 എന്നീ ഏതെങ്കിലും ഒരു ക്ലാസിലെ പൊതു പരീക്ഷയിലെ മാർക്കിനാണ് വെയിറ്റേജ് ലഭിക്കുക. ഏറ്റവും മികച്ച പ്രകടനം നടത്തിയ ക്ലാസിലെ മാർക്ക് വിദ്യാർത്ഥിക്ക് അപ് ലോഡ് ചെയ്യാവുന്നതാണ്. അപ് ലോഡ് ചെയ്യാത്തവരെ അലോട്ട്മെൻ്റിന് പരിഗണിക്കുന്നതല്ല. വിദ്യാർത്ഥി നൽകുന്ന വിവരങ്ങൾ അടിസ്ഥാനമാക്കിയാണ് വെയിറ്റേജ് കണക്കാക്കുന്നത്. വെയിറ്റേജ് ലഭിച്ചതിൻ്റെ ഒറിജിനൽ സർട്ടിഫിക്കറ്റുകൾ പ്രവേശന സമയത്ത് ഹാജറാക്കേണ്ടതാണ്. തെറ്റായ വിവരങ്ങൾ നൽകിയെന്ന് ബോധ്യപ്പെട്ടാൽ പ്രവേശനം റദ്ദ് ചെയ്യുന്നതായിരിക്കും. ഇത് വരെ അപേക്ഷിക്കാത്തവർക്ക് അപേക്ഷിക്കാനുള്ള അവസാന സമയം 2020 ജൂലൈ 10. നിലവിൽ അപേക്ഷിച്ചവർക്ക് ജൂലായ് 10 മുതൽ വെയിറ്റേജ് ലഭിക്കാനാവശ്യമായ ഗ്രേഡ്/മാർക്കുകൾ, മറ്റ് പാഠ്യ പാഠ്യേതര രംഗങ്ങളിൽ കൈവരിച്ച നേട്ടങ്ങൾ എന്നിവ അപ് ലോഡ് ചെയ്യാനുള്ള സൗകര്യമുണ്ടാകും.നിലവിൽ സ്കൂൾ പത്താം തരം പരീക്ഷാ ഫലം അറിവായിട്ടില്ലാത്ത വിദ്യാർത്ഥികൾ(ഉദാ: CBSE, ICSE) ഫലം അറിഞ്ഞ ഉടനെ മേൽ പറയപ്പെട്ടവ അപ് ലോഡ് ചെയ്യാനുള്ള അവസരമുണ്ടാകും. ചെയർമാൻ, എൻട്രൻസ് എക്സാം ബോർഡ്, സി.ഐ.സി 04.07.2020
